Айдоочулар менен жүргүнчүлөр үчүн камсыздандыруу акысыз.

Сизге кошумча эч нерсени кошуштун кереги жок. Камсыздандыруу Кыргыз Республикасында Яндекс Go сервисинин жардамы менен буйрутма берилген сапарлардын баарында кошулуп калган.

Эгер айдоочу менен жүргүнчү сапарды Яндекс Go колдонмосу же расмий веб-баракчасы аркылуу буйрутма бербей туруп аткарып жатышса, анда камсыздандыруу иштебейт. Колдоо кызматы системадан тышкары жүрүп жаткан сапарлардын изине түшө албайт, ал түгүл иш жүзүндө сапар болуп, бирок жүргүнчү аны колдонмо, веб-сайт же КЦ аркылуу жокко чыгарып салса, кенемте төлөнбөйт.

112 телефонуна чалып, кырдаал жөнүндө кабар бериңиз.
КР ЖКККББ кызматкерлери жана тез меджардам келгиче күтүңүз.
КР ЖКККББ инспекторунан сиз кабылган жол кырсыгы качан жана кайда териштириле турганын билип алыңыз.
Инспектордон сиз жабыркаган киши катары белгиленген жол кырсыгы жөнүндө документти алыңыз.

Мыйзам боюнча жол кырсыгына кабылгандардын баары, анын ичинде жабыркагандар дагы КР ЖКККББ кызматкерлеринин келишин күтүшү керек. Биз бул эрежени сактоону сунуш кылабыз. Эгер сиз оор жаракат алып, тез медициналык жардам унаасы менен жол кырсыгы болгон жерден кеткен болсоңуз, медициналык уюмдун кызматкерлери КР ЖКККББ кызматкерлерине сизди кырсык жеринен алып кеткени жөнүндө кабар бериши керек. Бул маалымат козголгон ишке тиркелет, ошондо сиз КР ЖКККББ протоколунда жабыркаган жак катары көрсөтүлөсүз. Протокол ар дайым кырсыкты териштирүүнүн жыйынтыгы боюнча түзүлөт. Териштирүүнүн негизинде камсыздандыруучу кенемтени төлөй алат.

Жаракат жөнүндө маалымкатты алуу үчүн травмпунктка же бейтапканага кайрылыңыз.

Жол кырсыгын териштирүүгө катышыңыз жана административдик укук бузуу жөнүндөгү иш боюнча расмий токтомду алыңыз.

Бизге Yandex Go тиркемесинде же support.taxi@go.yandex.ru электрондук почтасына жазыңыз - биз сизге кеңеш беребиз жана байланыштарыңызды камсыздандыруу компаниясына жөнөтөбүз.

Камсыздандыруу компаниясынын кызматкерлери сиз менен байланышка чыгып, кенемтени алуу үчүн керектүү документтердин так тизмесин беришет.

Орто эсеп менен алганда, документтерди алгандан кийин 30 күндө ичинде камсыздандыруу компаниясы сиздин камсыздандыруу окуяңыз боюнча чечим кабыл алып, банк эсебиңизге акча которот.

Документтердин так тизмесин сизге камсыздандыруу компаниясы берет. Көпчүлүк учурларда кенемтени алуу үчүн төмөнкүлөр сөзсүз түрдө керек:

• Текжайын билдирген күбөлүктүн көчүрүү;
• Камсыздандыруу компенсациясын төлөө жөнүндө арыз;
• Оору тарыхынан же медициналык картадан көчүрмө;
• Сиз жабырлануучу катары көрсөтүлгөн кырсык тууралуу документ.

Эгерде кошумча башка документтердин жоктугу камсыздандыруу учуру келген фактыны жана келтирилген зыяндын өлчөмүн аныктоону мүмкүн эмес кылып жатса, Камсыздандыруучу Камсыздандырылган кишиден / Пайда алуучудан кошумча түрдө башка документтерди талап кылууга укуктуу. Жогоруда көрсөтүгөн документтерди тизмеси соңку тизме эмес. Эгерде келтирилген зыянды териштирүү учурунда зыяндын келтирилишинин себептерине тиешелүү мурда белгисиз кырдаалдар, ага үчүнчү жактардын катышы, ошондой эле зыяндын өлчөмү ачыкка чыга турган болсо, Камсыздандыруучу мындай кырдаалдарга тиешеси болгон документтерди талап кылууга укуктуу. Камсыздандырылган киши/Пайда алуучу өзүнүн кенемте алуу укугун далилдөө үчүн башка документтерди, камсыздандыруу учуру келген фактысынын жана келтирилген зыяндын өлчөмүн далилдерин берүүгө укуктуу.

Ал да кенемте алууга укуктуу. Камсыздандыруу буйрутма аткарылып жаткан учурда автоунаанын ичинде болгон жүргүнчүлөрдүн баарына жайылтылат. Камсыздандырылган жүргүнчүлөрдүн саны унаадагы жүргүнчүлөрдүн орундарынын санынан аша албайт.

Ооба. Төлөмдөрдүн өлчөмүн камсыздандыруу компаниясы аныктайт. Айрым учурларда эрежеден тышкары кырдаалдар түзүлүшү мүмкүн. Алар жөнүндө төмөндө кененирээк айтылат.

Эгер айдоочу жолдо жүрүү эрежелерин одоно бузса (мисалы, светофордун кызыл түсүнө өтүп кетсе, каршы тилкеге чыкса, жол кырсыгы болгон жерди таштап качып кетсе), ал камсыздандыруу кенемтесин албайт. Толук шарттар менен камсыздандыруу компанияларынын эрежелеринен таанышып алса болот.

Бул кыскача нускама жалпыга ачык оферта эмес. Эгер сизде камсыздандыруу программасы боюнча суроолоруңуз калса, колдоо кызматына кайрылыңыз.